Views
2 months ago

Kundana Newspaper Friday August 4, 2017

  • Text
  • Okwa
  • Kutya
  • Osho
  • Mboka
  • Shika
  • Ashike
  • Trading
  • Ngoka
  • Ngele
  • Nenge

Kundana Newspaper Friday August 4,

Oshifo sho New Era Publication Corporation www.kundana.com.na VOL. 04 No. 044 | N.00 Mwa kwatelwa oishoshela | Etitano, 04 August - 10 August 2017 Etukulo ledu Ovahangwena ove udite kutya; itava yambidida etokolo lomulandifi komulandi a hala edu. Itava tu kumwe nosheetwa po shavamwe va hala kukala medu looxekulu. Ep 2 Oomeme moIndia Mo India aakiintu inaya pitikwa oku ithana aasamane yawo komadhina. Aakiintu oomilliona moIndia ihaya longitha omadhina gaasamane yawo –oshoka nguka ogwo omukalo gwoku ya simaneka. Ep 5 Omukwaniilwa gwaNdonga Immanuel Kauluma Elifas (Efano: Nampa). Omukwaniilwa Kauluma ota kondjele uukumwe mezimo lyAawa yaNdonga Maria Namupala ONAMUNGUNDO Omukwaniilwa gwaNdonga ota ka longekidha mbala esiku moka te ki ithana aawa ayehe yaNdonga, opo ya kundathane iinima ya pamba ezimo lyawo. Onkundana ndjika oya kolekwa kuAmushanga ta kwathele mElelo lyOndonga Nepando Sakaria ya Amupanda oshiwike shika. Amupanda okwa ti Omukwaniilwa Immanuel Kauluma Elifas okwe mu lombwele kutya esiku ndyoka ta ka longekidha otali ka pa aawa ayehe ompito opo ya kundathane omashongo nomikundu ndhoka dha taalela ezimo opo ndhoka dhi vule okukandulwapo po pu kale ombili. Amupanda okwa ti Omukwaniilwa okwe mu lombwele kutya ye ina hala oonkundwa dhokuukololo pethimbo ndika. “Omukwaniilwa ye mwene okwa ti okwa hala ombili mOndonga, no ina hala ezimo lyaawa li kale lya topoka ngaashi eshi wete pethimbo ndika, ta ti aawa ayehe aatekulu ye, yo naya hangane muukumwe ya kale yena ohole nombili yokomwenyo, yo ya vule ya tunge noku yambula po Ondonga,” Amupanda osho a lombwele Kundana, ta endulula shoka Omukwaniilwa e mu lombwele. Omalongekidho ge tsakaneno lyaawa ayehe ngoka Omukwaniilwa Kauluma a thaneka okuninga oga tseyithwa konima sho ongundu yAawa yokEpale ya yile kUuwa kOnamungundo Olyomakaya ga zi ko yi ka talelepo Omukwaniilwa, ndele inayi mu adha mo mOmbala. Osheendo shoka shali sha kwatelwa komeho kAawa yokEpale, ndele nande shali sha thiki mUuwa lwopotundi onti 11 yongula, osha kala sha tegelela ngele tashi pewa ompito shi kiikunde nOmukwaniilwa ashike shoka inashi pita. Oya ti oya tegelele konyala oowili ndatu sigo oosho ya lombwelwa kutya Nkeyama nomunyekadhi kaya li mo megumbo. “Tse otwali twa hala okumona nokupopya nomukwaniilwa ye mwene, inatu hala okukala tatu kundilwa kehale twafa aayeni, ka twali tuna uuwinayi otwali owala twa longekidha etalelo po lyetu lyopambili, ashike ngaashingeyi katushi we kutya natu ninge ngiini,” taya ti ngaaka. Amushanga gwelelo lyOndonga ta kwathele sho a pulwa ku Kundana kombinga yoshinima shika okwa ti Elelo olyali lya yakula omukanda ngoka gwaana edhina kutya ogwa za kulye, tagu indile gu pewe ompito momasiku 29 Juli ya talelepo omukwaniilwa. “Otashi kala oshidhigu okupopya kutya pamwe mboka yali ye ya kUuwa mOlyomakaya oyo ya nyola omushangwa ngoka, molwaashoka sho tweya pula oyati hayo ye gu shanga nonande nayo yaza mombuto yaawa yaPale,” Amupanda ta ti. Okwa koleke kutya opwali pweya ongundu ndjoka Olyomakaya, ashike sho yeya puuwa oya adha Omukwaaniilwa keemo megumbo, naasho ya kala ya tegelela noya mono kutya omukwaniilwa ite ya oya tokola ya shune komagumbo. “Omolwa etopoko pokati kaawa yaPale naamboka yaNethika, omukwaniilwa ye mwene okwa lombwele ndje kutya ye ina hala okwi ikunda naantu yi ininga uungundu ngaashi mboka ya liko Olyomakaya, ihe okwa hala okupopya nezimo lyaawa yaNdonga alihe,” Amupanda ta tsikileko ngaaka. Ta gwedhapo kutya ongundu ndjoka nayi shi uveko owala kutya pethimbo ye ya pUuwa omukwaniilwa ina adhika mo megumbo, onkene oyali yena owala okutegelela sigo ethimbo ndyoka ta galuka, yo ya tale ngele taya pewa ompito ya popye naye, okwa ti kehe ngoka ena ehalo nomadhiladhilo a talelepo omukwaniilwa ota vulu okushi ninga uuna a landula omilandu ndhoka dha tulwa po kElelo lyopamuthigululwakalo. Geingob a popi Nandi popye kombinga yeitaalo kutya Omuperesidente okwa kala a mwena miiningwanima yimwe mbyoka yi wetike ya nika uulingilingi na anuwa okwa fa inaa ninga sha oku etapo elunduluko. Ep 10 Uudhano waanona Uudhano wokomumvo waanona aashona mboka hawu unganekwa kosikola Erundu mOshakati owa li wa nana konyala oosikola 8 okuza mOshakati nOngwediva Ep 15 Tel:(065) 238990; Fax: (065) 231305; P/Bag 13364 Windhoek; email: hshaanika@nepc.com.na; website: www.kundana.com.na

New Era

New Era Newspaper Vol 22 No 167

Kundana

Kundana