Views
7 months ago

Kundana Newspaper Friday July 28, 2017

  • Text
  • Okwa
  • Kutya
  • Osho
  • Ngoka
  • Mboka
  • Taya
  • Ashike
  • Nawa
  • Ndika
  • Shika

Kundana Newspaper Friday July 28,

Oshifo sho New Era Publication Corporation www.kundana.com.na VOL. 04 No. 043 | N.00 Mwa kwatelwa oishoshela | Etitano, 28 July - 03 August 2017 Omashisha Ongundu yoomeme ye vulithe 17 oyi imanga kumwe noku tota po ehangano lyo kutunga omashisha nosho wo okuka uutolopola opo ya vule okutunga ongerka. Ep 3 Annatolia Namwenyo ta yogo iikaha ye pokapomba komeya pokandjugo. (Ethano: Nuusita Ashipala) Oopaala Kansela gwoshikandjohogololo Elim okwa kumagidha oshigwana shaamoka opo shi kwate nawa omaliko goshigwana unene tuu sho ngaka ga pumba noonkondo. Ep 4 Omukunda gwotango moka egumbo kehe li na okandjugo Nuusita Ashipala ONDINGWANYAMA Manga Namibia a taalela eshongo konyala lyetata lyoshigwana she osho ashike taku tiwa oshina omahala gokwiikwathela, Ondingwanyama moshitopolwa Ohangwena oya kwata komeho mokukala omukunda moka kehe egumbo li na okandjugo. Sho ya popi nomuthindo kutya “oya vulwa okulya onyata” omagumbo agehe 68 momukunda ngoka ogi tungila gogene uundjugo wiilambo. Omagumbo 12 oga opaleke uundjugo mboka noku wu ninga mboka hawu fala onyata kiilambo, tayi ende momeya. Kakele kuundjugo mbuka wiilambo, posheelo kehe shokandjugo opwa tulwa okapomba koku iyoga komake. Uundjugo mbuka owa tungwa kaakwashigwana yoyene taya longitha iinima mbyoka ya za momudhingoloko mwakwatelwa omataiyela omakulu, iiti, ooshako dhoplastika nomakumbatha oku wu tula molugumbo. Uundjugo mbuka owa tungilwe po, pokati komumvo 2015 nonuumvo. “Kutse otwa li twa hala okukala nuundjugo kashi na mbudhi kutya mbuka owo ludhi luni. Ihe uundjugo mbuka itawu kalelele molwa iinima mbyoka wa tungithwa. Onkene tse otwa indile ekwatho opo tu kwathelwe mokutunga uundjugo wa aluhe,” osho omukulupe Toivo Muma a hokolola. Omupevi Minista moshikondo shUunamapya, Omeya nOmakuti Anna Shiweda okwa ti ngashingeyi sho Ondingwanyama ya tseyithwa omukunda hagu longitha uundjugo ndele ihagu ikwathelele we miihwa, nena aakalimo muka oye na oshinakugwanithwa okutsikila noku hwepopeka uundjugo mbuka wu kale pomuthika omuwanawa. “Osha pumbiwa opo omukunda gu tsikile okulonga nuudhiginini oku kaleka po omahala guuyogoki ngaka ge li nawa,” Shiweda a ti. Pahokololo lyo Namibia Demographic and Health Survey Report lyomumvo 2013, ooperesenda ashike 34 dhoshigwana shaantu oomilliona 2.3 odho dhina uundjugo nuuyogoki moshinima shika wuli nawa. Komahala gokomikunda onkalo ndjika oya dhigupala oshoka ooperesenda ashike pokati 17 sigo 22 dhaaNamibia oyo haya longitha uundjugo oku ekelahi iiyekelwahi, omanga ooperesenda 46.5 dhaanamikunda natango ohadhi yi kondje miihwa. Muma okwa ti uundjugo mbuka kawu na egameno kaanona aashona.Onkene uuna aanona aashona yi iwatele nena aakuluntu ohaya fulile oonyata ndhoka oshilambo nokudhi filila mo. Oshigwana osha li sha longwa kombinga yuuyogoki noku kala ya yogoka okuza koshikongo shUunamapya, Omushigakano Omutiligane, osho wo Unicef. Oshiwike shika omukunda nguka ogwa li netyapulo mpoka Ondingwanyama ya tangwa nokupandulwa ongo enyakwa lyoku kala li na uundjugo no ihaali kiikwathela miihwa moshilongo ashihe. Omukalelipo gwa Unicef Micaela Marques de Sousa okwa ti omukunda ohagu ithanwa ihaagu nyatekwa miihwa uuna ndoka egumbo kehe li na okandjugo, ka tungwa oku gamena omulongithi gwako osho wo ke na ehala lyoku iyogela koonyala li na othewa nenge omutoko. Omuwiliki gwoshikondo shomeya komikunda neyogopeko Leopold Niipare okwa ti oshikandjohogololo Eenhana osha tegelela opo konyala omikunda 64 dhi kale wo dhina uundjugo pegumbo kehe. Opolahalama ndjika okwa tegelelwa opo yi longwe wo miitopolwa Kavango Uninginino , Uzilo nosho wo Zambezi. Sigo oompaka omikunda 60 moMpungu, omikunda ne moMashare nomikunda omi-58 moZambezi odha dheulwa nkene tadhi longitha uundjugo momikunda dhawo. Konyala aaniilonga 90 yiilonga yuundjolowele momikunda oya dheulwa nomikunda konyala 180 miitopolwa itatu odha tegelelwa okukala dha igidhwa dhina uundjugo megumbo kehe okuya muDesemba nuumvo. De Sousa okwa indile omupevi minister nuuministeli we wu kwatele komeho oonkundathana dheyogopeko moparliamende opo eyogopalo li humithwe nawa komeho moshilongo. Pethimbo ndika ooperesenda ashike 17 dhoshigwana shokomikunda odho hadhi vulu okulongitha uundjugo, ihe de Sousa okwiitaala kutya onkalo ndjika otayi ka hula po mbala. Omundohotola Omukwashigwana gwa Zimbabwe iilonga moSouth Afrika a ningi Ondohotola yotango onkiintu kohi yomimvo 25 muAfrika. Ep 6 Cascas Oshiwike shika Shipi okwa li a kundathana nomudhani omukulu gwOshakati City naangoka a tseyika nawa mosipana yoBrave Warriors, ano osipana yopashigwana yokatanga kokoompadhi yaNamibia Fillemon “Cascas” Angula. Ep 14 Tel:(065) 238990; Fax: (065) 231305; P/Bag 13364 Windhoek; email: hshaanika@nepc.com.na; website: www.kundana.com.na

New Era

New Era Newspaper Vol 22 No 167

Kundana

Kundana