Views
6 months ago

Kundana Newspaper Friday July 7 2017

  • Text
  • Okwa
  • Kutya
  • Ngoka
  • Osho
  • Mboka
  • Ndika
  • Ashike
  • Namibia
  • Shika
  • Noku

2 OONKUNDANA Etitano,

2 OONKUNDANA Etitano, July 07 2017 Ondangwa otayi fala omayakulo koshigwana Aakalimo yomOndangwa ye li poshigongi shoka tashi popithwa kaanambelewa MARIA NAMUPALA ONDANGWA - Omunambelewa omukuluntu melelo lyondoolopa Ondangwa Ismael Namgongo okwa ti elelo lye olyi ilongekidha okufala omahumokomeho nomayakulo koshigwana. Shika okwe shi popi etiyali lyoshiwike shika, moonkundathana dhe naKundana. Elelo olyali lya longekidha oshigongi showina shono shali sha ningilwa aakwashigwana mboka haya kala molukanda lwOnguta. Namgongo ta ti oshigongi shika osha ningwa nooyene yomagumbo molukanda moka, shina sha wo nomahumokomeho. “Okuza muJuni omumvo gwa ziko elelo lyondoolopa olya kala tali tungu nokutula molukanda moka ominino dhomeya gonyata, no twa hala okukwashilipaleka aakalimo kutya ominino ndhoka odhapwa no tadhi vulu okulongithwa” ta ti ngaaka. Ta ti iilonga ayihe oya pwa thilu, nokwa indilwa aakwashigwana ya tule mo omaindilo gawo yo ya vule okukala taya longitha omayakulo gondoolopa. Okwa ti oya hala aakalimo yondoolopa ayehe ya kale taya mono omayakulo ga faathana no ge thike pamwe. Omunambelewa ta ti osha kotha oshimaliwa shoomiliona ne (4), okuthikamithapo ominino ndhoka. “Otwa hala woo oku eta omahumokomeho popepi naakalimo yomondoolopa, yo ya tyapule omauwanawa ngoka taga falwa popepi nayo, yo ondoolopa tayi kala yina uutalelo ngaashi oondoolopa odhindji moshilongo, ndjoka tayi kala tayi nana aataleli po naanangeshefa,” Namgongo ta ti. Molukanda lwOnguta otamu adhika omagumbo geli 154 ngoka gena oonomola noga shangithwa kombelewa yelelo lyondoolopa, naashika okwa ti osheya thiminike opo ya tule olukanda pamuthika, lo talu kala lwafa omalukanda omakwawo. Kakele kolukanda nduka omauwanawa ngaka oga falwa woo komalukanda ngaashi Omakulukuma, Uupopo, Okangwena na galwe wo. Okwa ti pethimbo ndika natango elelo lyondoolopa oli ipyakidhila nokutula omalamba momalukalwa ngoka gaa hena, osho wo okutunga oopate opo nenge opu na egumbo ta li pi otashi kala oshipu kookadhimamudhilo ya thikeko nziya. Okwa pula elongelo kumwe okuza maakalimo yomondoolopa, yo tayi iyutha koompango nomalombwelo ngoka taya pewa kewiliko lyopombanda. Okwa ti otaya lalakanene okukaleka Ondangwa yimwe yomoondoolopa ndhoka dha yela moshilongo, nokwiindile aakwashigwana ya kaleke omahala gawo ga yela nogena uuyogoki. Ta ti elelo lyondoolopa olyi ilongekidha okuthikitha omayakulo koshigwana, shoka sheya thikamitha po. Aakwashigwana oyali woo ya mono ompito yokupula omapulo, ngoka ga yamukulwa ethimbo olyo tuu ndyoka, noyendji oya kumike aaniilonga melelo lyondoolopa ya longe ngaashi haye shi ningi, ta ye ya pandula sho aluhe taya longo nuudhiginini noku eta omayambulepo mondoolopa ndjoka. OMUPOLOFETI lya za kepandja 1 Ihe omukulupe nguka okwa ti shika oteshi taamba ko owala ngele otashi ningilwa megumbo lye oshoka ina mangulukila oku ya koombelewa. Kaukolelwa nguka ngashingeyi okwa ninga uule woomvula odhindji ina mona omwana molwa onkalo moka eli. Ta ti okwa tameke oku tsika okuza momumvo 2010, nokuza mpoka okwa kala nokusilwa oshimpwiyu kumushiinda she. Ngele owa yi puye okwa yela kolutu, ihe iipanyala ye yokoompadhi iile shapitilila oshoka itayi vulu oku tetwa kaantu, ishewe ye mwene kiiwete. Egumbo lye olya yela lya kombwa noonyala uumbondi awuhe owa toolwa mo. Megumbo omuna omisinda sho ha kookaya noongolo ta opaleke egumbo lye alihe. Paku pulakena, kakele kuunkundi womeho, Kaukolelwa okuli owala nawa pamadhiladhilo, niinima mbi ta popi oyi li owala melandulathano. Okwa ti ombepo ndjika oyali ye mu adha omanga ena okanona ke konkelo okashona lela na shika osha etitha opo a kale a putudha okaana ke nuudhigu oshoka kali teka gumu. Okwa thigi po wo omusaane gwe opo a ka gwani the po oshipewa she shuupolofeti. Kaukolelwa okuna aanona yaali, ihe ngashingeyi okuli ashike megumbo oye awike. “Uka kokule ino guma ndje oshoka uuyuni wonena owuna iinima oyindji niikaha yeni oya nyata, oyi na oodemoni!” osho a igidha ngaaka mushiinda gwe ngoka he musile oshimpwiyu. Shoka tashi kumitha mehokololo ndika ooshoka kutya omukulupe nguka uule woomvula 41 ina enda nande oshipangelo, uuna a hakukilwa kuuvu, ohi itula koondelepa (komakende gomeya) yemwene. “Ihandi kala nande ndaana osuuka nomongwa oshoka ogo omuti gwandje. Ohandi kutha omeya etandi tula mo osuuka mumwe nomongwa opo ndi yi longithe onga omuti gwandje,” osho a ti ngaaka. Ihe omushiinda she ngoka oye hemu telekele okwa ti omukulupe ngoka oha ehama olundji ihe ina mona nale a enda oshipangelo oshoka ohi ipanga yemwene megumbo. Okwa hokololwa kutya nonande okwa kala omuposi oha tulilwa ashike iikulya mokaaha eta ka tulwa pevi ye te ka kutha po oshoka iha pewa sha peke. Nonande omukulupe nguka a kale kee wete ko, oha opaleke iikutu ye yemwene oshoka ina hala iikutu ye yi gumwe aniwa aantu oyena oondemoni. “Kegulu ka kuli nawa oshoka okuna oondjila mbali ngashingeyi yimwe oyaakiintu omanga yimwe yaalumentu. Ano ilongekidheni,” osho a ti ngaaka ta kumagidha. Melelo laLüderitz va kumaidwa vaha longife oingangamifi. TUULIKKI ABRAHAM LÜDERITZ – Omutumba wokupashula ovanailonga melelo lodoolopa yaLüderitz wali mosaala yaBenguela, oshivike shaya, owa kundafana omikalo nda yooloka dokukondjifa oingangamwifi. Omupedu Meya waLüderitz Brigitte Frederiks mokutambulako ovanailonga ovo vali va ongala okwa tumbula kutya, 26 June efiku lopaiwana tali kunghilile oshiwana shi, li kaleke kokule nokulongifa oingagamifi. Omupedu Meya ta yelifa kutya, elelo lodoolopa ola unganeka opo ovanailonga melelo lodoolopa, va pashulwe nova kumaidwe, vaha longife oingangamifi, omanga kuliwe moshivike shokupashula oiwana ili vangeke okulongifa oingangamifi. “Eli oli li ashike etameko nena, otwa ongaleka ashike ovanailonga, ashike oshikando tashi landula ohatu ufana ovakalimo aveshe modoolopa. Opo oshiwana shi pashulwe, noshikumaidwe, shi li kelele kokulongifa oingangamifi, osho yo elongifo lomalodu sha pitilila.” Fredricks osho a popya. Moshipopiwa shaye okwa tumbula nghene sha fimana okudimbuluka omupopepi, oo a kwatwa ko kelongifo loingangamifi, oshoyo kelongefo nai lomalodu. Ta ti oingangamifi ohaidulu okunyonauna ouluvi womunhu, osho hashi eta shikufe nomadilaadilo omunhu ponhele. Ta tumbula kutya olopota oya popya kutya moshitopolwa sha //Karas omuna elongifo loingangamifi, lili pombada, unene tuu mokati ko vanyasha. Kwaashi omupedu Meya okwa indila oshiwana shiyandje ekwafo kwaavo Ovanailonga novaleli melelo lo doolopa ya Lüderitz, pefimbo lomutumba womapukululo kombinga yelongifo loingangamifi, nelongifo nai lomalodu. veli monghalo yokulongifa oingangamifi, va kumaidwe,unene tuu ovanyasha ovo veli oshiwana shokomongula. Frederiks ta twikile nokupopya kutya oingangamifi, otai dipaya po ovanyasha ovo veli eengudi doshilongo, navali oingangamifi, otai hanaunapo eefamili. “ Oshiwana natu li mangeni kumwe tu lwifeni elongifo loingangamifi, nelongifo nai lomalodu”. Fredericks osho a indila. Kansela melelo lodoolopa ya Lüderitz, Bettry Wilskuit okwa ulika nghene oingangamifi haidulu oku etela omunhu, oupyakadi wopamadilaadilo. Ta ti, omunhu ngee okwalongifa oingangamifi, ndele tai mu etele, oupyakadi, oo ihau taalele ashike mwene ou a longifa oingangamifi, ndele oupyakadi ohau kwata yoo ava veli pomudingonoko. Omunambelelwa omukulunhupitifi melelo laLüderitz Aunie Gideon okwa shiivifila ovanailonga, kutya ou te ke li hanga a kwatwa kelongifo loingangamifi, nelongifo nai lomalodu, ota dulu okushiivifila ombelewa, koshikondo shonghalonawa, nombelewa otai fi oshisho okukonga ekwafo opo tali monika. EDITOR Desie Heita newsroom@kundana.com.na New Era Publication Corporation (Daniel Tjongarero House) corner of Dr W Kulz and Kerby Streets Tel: 061 - 273 300 • P/Bag 13364 Windhoek Printed by NewsPrint EDITORIAL hshaanika@kundana.com.na Tel: +264 65 238 990 • Fax: +264 65 231 305 REGIONAL OFFICES Ongwediva Office Tel: +264 65 238 990 Fax: +264 65 231 305 Fax to Email: +264 886 523 627 • north@newera.com.na Rundu Office: Tel: +264 66 256 298 / +264 81 217 1888 • jmuyamba@newera.com.na Omuthiya Office: Cell: +264 81 287 9281 • jmatali@newera.com.na Walvis Bay Office: Telefax: +264 64 200 349 • erongo@newera.com.na Keetmanshoop Office: Tel: +264 63 222 057 • south@newera.com.na Luderitz Office: Tel: +264 63 204 180 Fax: +264 63 204 182 • luderitz@newera.com.na DISTRIBUTION & SUBSCRIPTIONS Ernst Apollus eapollus@nepc.com.na Tel: +264 61 273 326 • Fax: +264 61 220 584 FINANCE Tel: +264 61 273 300 • Fax: +264 61 220 584

Etitano, July 07 2017 OONKUNDANA 3 Otuwa yo Colt, oyo ya lupuka meebashu dili mbali, tai ka hakela mobashu onhinhatu, molukanda loArea 7 moLüderitz. Otuwa ya mbonyauna po eebashu nhatu Tuulikki Abraham LÜDERITZ – Otuwa yobaki yoColt oya mbonyauna po eebashu nhatu molukanda loArea7 mo Lüderitz, oufiku wetivali loshivike eshi. Otaku hokololwa naku shinga a li ta shingi eli koshi yodungo, ndele ta nyengwa okupangela osheendifo. Otaku hokololwa oshiningwanima sha holoka potundi 22h00 konguloloshi, eshi omulumenhu womido 37, a li ta shingi vati eli koshi yodungo, ndele otuwa oyo tai mu nyenge okupangela, ndele tai lupuka mobashu imwe ili lwokopate, omo mwa hangika muna ounona, ashike inava mona oshiponga. Otuwa oya twikila noku ka lupuka vali mobashu ikwao, omo ina mu hangika omunhu, opo nee oya kahakela mobashu onhinhatu, omo mwa hangika ovakainhu vavali, aveshe vena ounona, vanini, ashike navo ina va mona oshiponga. Omushiinda Foustinia Shindume ota hokolola, nghene vauda eshi oshiponga sha holoka. Ta ti ovauda eshi taku pwalakata, vakatale pondje otuwa, ya pita mokati keebashu tai ka panda mobashu omo ya kala fiyo otakushi. Shindume okwa tumbula kutya meebashu mbali omwa hangika ovanhu ashike kapena ou a mona oshiponga. Omukulunhu wopolifi, modoolpa ya Lüderitz Chief Inspector Paulus Hamupolo, okwa koleka, kutya, oshiponga osha holoka onguloshi yetivali ashike inamu yehamekelwa omunhu. Hamupolo okwa tumbula kutya omunamido 37 oukwa li ta shingi okwa patelwa mo, nokwa patululilwa oshibofa eshi kwali tashingi eli koshi yodungo. Ovanhu vamwe otava hokolola kutya, nakushinga otuwa yee oye mwene wayo, okuli umwe womovanailonga ovo vakanifa oilonga mehangano lokukwata eeshi la Pescanova. Otaku hokololwa kutya, otuwa oyo nghene tuu ei landa konyala oule weehanhi nhee dapita paife, oya holola nale oiponga ifike pu ine lwaapo. Tava hokolola kutya, oshikando sho tete mwene wayo okwanyengwa okupangela otuwa ndele tai alangata, oshikando oshitivali, noshititatu, oyeli denga meebashu, noshikando nee eshi shopaife otuwa yalupuka mokati keebashu, ndele tai ka kanghama mobashu, omo etayela lokomesho la panda mombele omo mwahangikaa muna ovanhu va nangala. Ovanailonga tava ningi omapekaapeko Komutoolinghundana ONANKALI - Ovanailonga veyandjo lomeva komikunda domOshikoto 37 otava ningi omakonaakono momaumbo omoshitukulwa e dule omayovi 40. Ouyelele owa yandjwa komukwatelikomesho woshitukulwa sheyandjo lomeva momikunda moshitukulwa sha- Shikoto Steven Tuukondjele a tonga kutya ava otava kala mo eemwedi nhatu. Tuukondjele ta yelifa kutya ava ova tameka oshivike oshitivali shaJuni, noshinima eshi omhangela yepangelo NDP5 noHarambee opo okuka fika komudo 2030 eumbo keshe moshilongo li kale nomeva a yela nokandjuwo. Epangelo ola hala paha kale ou ta tavakana eekilometa di dule nhano okuteka omeva, onghee omapekaapeko aa okwa tameka eshi omakango neendobe tadi pwiinine nokushiiva onghalo yoshiwana. Tuukondjele okwa ti oikandjohoololo tai fi enota unene Eengodi, Okankolo noshaNehale lyaMpingana kuhe na outalameno womeva odula nomaloli okwa tameka kufindikila omeva koshiwana. Okwa fatulula kutya, eloli keshe ohali umbata eelitera domeva 10 000 hadi pimhilwa motenga omo hamu tekwa kovanamikunda, keefikoa noipangelo. Omunambelewa omukwateli komesho woshitukulwa shetukulo lomeva momikunda mOshikoto ta weda po kutya, oshiwana nashi shiive kutya omukalo wokufindikila omeva komikunda ou na ondilo, eloli lokutwala omeva ohali tutu oikando itatu fiyo ine oufiku nomutenya nohali longifa omahooli mahapu. Okwa ti, omeva haa di kokule otaa longifwa ashike kovanhu, kakele oimuna oi na kuxwiilwa momifima neendungu. Tuukondjele okwa kumaida oshiwana shi kwate nawa omeva nokutula moilonga omhangela ei i kale ye lixwa po, okuka fika komudo 2030 paha kale omunhu te liyakulile moixwa. Ta weda po kutya, nande ondunge yetungo loundjuwo ya tamekwa yoo mokoitukulwa ikwao oshiwana oshi na kulongwa nghee oshiwana sha pumbwa omadeulo okutunga oundjuwo vopamufika muwa. Okwa ti otashi dulika oundjuwo vokupombwa va tungwe momikunda, nongee ova yada onyata oi na kutilwa komatale ohanya kukelelwe etandavelo lomikifi. Pexulilo omunambelewa womeva momikunda okwa pandula oshiwana mokuyandja elongolo kumwe la halika nosha ulika olupandu kondunge ye andjaneko lomeva noundjuwo momikunda. Oonganga dhiifundja dha kwatwa kopolisi SELMA IKELA WINDHOEK-Opolisi oshiwike shika oya kumagidha oshigwana opo shi kotoke shaa pukithwe nokukotokelwa “koonganga dhopashigwana oofundja’. Ekumagidho ndika olya ningwa kopolisi sha landula sho aakalekipo yoveta nelandulathano moVenduka ya kwata pakathimbo nokupulapula aakwashigwana yaUganda yatatu shina sha nuunganga woshiAfrika wiifundja. Opolisi oya ti aalumentu mbaka yaali oya pulapulwa konima sho opolisi ya taamba omanyenyeto okuza moshigwana ngoka taga ti mbaka oya kotokele aayakulwa yawo moku ya lombwela kutya yo oondohotola dhoshiluudhe ihe anuwa nani mbaka oye shi ningi nelalakano ashike lyokukengelela aayakulwa yawo. Opolisi oya hokolola kutya gumwe “gwomoondohotola dhoshiluudhe’ nguka okwa kala ta kongwa kuyo omathimbo ga zi ko, konima sho aayakulwa ye ya nyenyeta kutya okwa fadhuka po niimaliwa yawo no inee ya pa omiti ndhoka eya uvanekela. Aalumentu yaali mboka taya ti oya za koUganda oya kwatelwa kopolisi mepandaanda lyEmanguluko moVenduka oshiwike shika. Ekwato lyawo olye ya konima sho aalumentu yaali yapambathana ya lopota kutya “Ndohotola Gombe’anuwa okwa fadhuka po noodola N 000 ndhoka mbaka ye mu futu opo eya pe elago lyokuyelwa miilonga. Mbaka yaa oyali ya hala okuyelwa okuya ponkatu yuukwatelikomeho pomahala gawo giilonga, onkene oya futu iimaliwa mbyoka kuGombe konima yokulesha okambapila moka nguka a uvaneke aayakulwa ye kutya oha panga omaludhi gomaupyakadhi ga yooloka.Mokati kaa ngaka omuna ngaashi okugalula omuholike a thiga po ekwatathano lyohole, oha aludha omavu omadhigu ihaaga aluka, oha enditha nawa ongeshefa ndjoka tayi shongola, oha gandja wo omiti dhoku shunitha pevi okunwa omalovu nomakaya naandhoka dhoku hwepopeka elondo lyombinzi. Aakwiilongo mbaka oya kala ye edhililwa posasiona yopolisi yaVenduka oshoka kaye na oombapila dhuuthemba wokulonga moNamibia no sho wo omishangwa ndhoka tadhi ya pitike okukala moNamibia.Gumwe gwomaantu mboka ya kengelelwa kwaambaka okwa li iithanwa kopolisi opo a ka patulule oshipotha shoku kengelelwa. Aapolisi oya ti nguka oye gumwe mokati kaantu oyendji mboka ya kanitha omaliko gawo mokukengelelwa kwatya ngaaka moshilongo ashihe. Aapolisi sho ya konakona omatumwalaka mongodhi ye oya ndhindhilike kutya osha fa aantu oyendji ya kengelelwa komundohotola ngoka. Oshoka oya mono anuwa omatumwalaka ngoka taga nyenyeta kutya iihemba mbyoka ya pewa okuya panga kayi na shoka ye ya longela. Aapolisi oya kwata noku eta omukwashigwana gwaUganda omutitatu, ngoka a kala ha gandja uumbapila womatseyitho giilonga yoonganga dhopamuthigululwakalo ndhika dhokoUganda, no ha futwa oodola N0 mseiku. Opo opolisi, yi koleke oshipotha shayo kombinga yoonganga dhiifundja otayi kumike aantu ayehe mboka ya nyokomwa tashi vulika koonganga dhiifundja, ya tulile mo ndhika ndhika oshipotha shuukiliminala. Omukonakoni Christina van Dunem Fonsech okwa lombwele Kundana kutya opolisi oya tokola oku ninga oshikonga shika konima yoku yakula omakemo ogendji ga zi koshigwana tashi nyenyeta tashi yugwa koonganga ndhoka hadhi ningi omauvaneko goku ya panga ga fa goshili. “ Aakwashigwana oyendji otaya nyenyeta, naashika osho shetu tokolitha opo tu kwate aantu mbaka haya hawaleke uumbapila mbuka moshilando, opo yetu fale kumboka “yi iluka oyo oondohotola” osho a popi nokulondodha oshigwana opo shi iyageke okuninga iihakanwa yoonganga dhiifundja, yoongeleka dhaana omakankameno naahunganeki aafundja, mboka haya pukitha noku hekela mo aantu minima yaa shi yoshili.. ‘Ngele owa hala okuyelwa miilonga, ilonga ngoye ishewe longa nuudhiginini. Otwa vulwa, na ishewe shika omanyami gowala” osho a popi kombinga yaantu mboka ya ningi iihakanwa yoonganga dhiifundja. Fonsech okwa indile aantu mboka ya ningililwa mo kuNdohotola Oobo, Zama osho wo Luck ya dhengele opolisi konomola 081 2270452 nenge 061-2094454.

New Era

New Era Newspaper Vol 22 No 167

Kundana

Kundana