Views
2 months ago

Kundana Newspaper Friday November 10, 2017

  • Text
  • Okwa
  • Kutya
  • Mboka
  • Ashike
  • Osho
  • Ngoka
  • Nawa
  • Taya
  • Tendered
  • Noku

Kundana Newspaper Friday November 10,

Oshifo sho New Era Publication Corporation www.kundana.com.na VOL. 05 No. 011 | N.00 Mwa kwatelwa oishoshela | Etitano, 10 November - 16 November 2017 Ta hepekwa paihulo koombepo dha nyata Loide Jason ONGWEDIVA Omulumentu gwomimvo 40 okuli monkalo ondhigu, ta hepekwa pamilalo, pamadhilaadhilo nopalutu koombepo dhomilema, ndhoka anuwa hadhi vulu noku mu keelela komagalikano. Eino Malima ngoka ta indile oshigwana oshigalikani shi mu tondokele otati ombepo ndjoka yanyata ethimbo limwe ohayi kala molupe lwomukiintu nethimbo limwe ohayi kala molupe lwomulumentu mboka ayehe ya kala noku mu hepeka pamilalo okuza tuu sho ali okanona okashona lela. Ombepo oyo tuu ndjoka, anuwa ethimbo limwe ohayi ya palupe lwoonkoshi, nomathimbo gamwe oha uvu owala ewi enene-nene. Malima okwa ti ota kugile aagalikani moNamibia opo ya tondoke onkugo ye, ye mu etele oshihomo shomagalikano pamwe oombepo ndhoka tadhi mu etha po. Moonkundathana naKundana Malima omukalimo mOnethindi moshitopolwa Oshikoto okwa hokolola kutya oha yaguma ashike ta ningilwa omuyonena ngoka, konima, sho ta ka papudhuka naku mu ningila shoka okwa kana po nale. “Sho nda lala ohandi uvu ashike momatako gandje mwa pama, sho tandi ka penduka ombepo ashike tandi mono tayi piti posheelo shondunda yandje,” osho a hokolola ngaaka. Okwa hokolola wo kutya kakele koombepo ndhoka hadhi mu piyaganeke pamukalo ngoka oha yaguma wo ishewe ta piyaganekwa kokakadhona pombete ye, ihe sho ta ka papudhuka ka pe na omuntu oye awike e li po. “Omasiku gamwe ohandi mono ashike olutu lwomukiintu omushona molutu ashike oshipala she kandi shi wete. Oombepo ndhika ohadhi monitha ndje iihuna oshoka ihandi kotha nande,” osho a hokolola ta etitha ohenda. Malima okwa ti oombepo dha nyata ndhika odhe mu Eino Malima tameke omanga a li e na omimvo hamano, dha tameke pamwe nomukota ihaagu hulu sigo tagu ka kodha pethimbo oshilongo sho sha manguluka. Okwa hokolola kutya uuna a kambadhala okuya kongeleka, oombepo ndhoka ohadhi mu dhenge noonkondo adhihe opo a shune megumbo kaa ye kongeleka. “Iikando oyindji ohandi shuna ashike megumbo oshoka otandi ehama noonkondo sho oombepo ndhoka tadhi dhenge ndje,” osho a hokolola ngaaka omanga i ikwata polupanda. Okwa hokolola wo kutya ngele okwa mono ompito ndjoka yokuya kongeleka esiku ndyoka inaa dhengwa onkee ngaa omutondi ngoka ena okuya oku mu longitha noku mu hepeka uuna a kotha uusiku. Malima okwa ti wo, uuna a tokola okugalikana okukugila Omuwa ekwatho oha mono ashike a kundukwa koonkoshi ndhoka tadhi piyaganeke egalikano lye. “Ethimbo limwe ngele inandi mona oonkoshi nena ondi na oku uva ewi enene lyombaatha tali ti kutya inandi popya kutya Kalunga na kaleke omutondi nomathipambinzi kokule nangame. Shampa ndu uvu ewi ndyoka opuwo egalikano ohali yiwa ashike moshipala,” osho a hokolola ngaaka. Okwa hokolola wo ta ti ngele okwa zi po pegumbo mpoka a yi nande okuushimba nena natango ombepo ndjoka oyi na oku kala ye mu hila noonkondo opo a galukile kegumbo. Malima okwa ti ngashigeyi oombepo ndhika odhe mu etela ethindakano lyomomadhilaadhilo shoka sha etitha nokuli a kale ha dhimbwa noonkondo eta ka dhimbulukwa ashike pwa pita ethimbo ele. “ Ethimbo limwe nande onda tula sha poshitaafula mondunda onkee ngaa tandi adha sha lundululwa po. Nenge nda pata po, pondunda onkee ngaa tandi adha pwa patululwa. Oho, onda lulilwa noonkondo adhihe,” osho a ti ngaaka manga a sizimana a tala pevi. Malima ota indile moshigwana opo oongeleka ndhoka tadhi vulu okumugalikanena nenge ndhoka hadhi galikanene aantu dhi vule oku mu talela po pegumbo lye opo, oombepo ndhoka dhi vule okumweetha po ye a wa pe a longe nuudhiginini a fe aantu ooyakwawo. Iipindi Omauliko gIipindi gokomumvo gaHelao Nafidi nuumvo oga li ga hepa aauliki. Sho iikondo yimwe yepangelo no yopaumwene ya li inaayi holoka.Ep 3 Omalutu omanene Okukala omunene molutu itashi ti kutya ito vulu okuzala omoode. Iinima otayi lunduluka. Oshoka ope na mboka haya ndungike mboka ya viha nkene taya zala omoode.Ep 7 Nama’s 2018 Aalongekidhi yoshituthi shethigathano lyaahikingalo dhingi Aanamibia (NAMAs), ndyoka hali ningwa omumvo kehe oya tseyitha, ndika li na omalunduluko. Ep 9 Waa umba umba, ku yaha Oshali ondjodhi onene kuBarnabas Mutumbulwa na Stephanus Matheus, sho ya totopo ehangano lyawo lyiilimbo yiikutu tali ithanwa Getting Better. Omakandangala ngaka oga yambukile momukunda Okatope moshikandjohogololo Onyaanya moshitopolwa shaShikoto. Mutumbulwa okuli momvula ontiyali ti ilongo koshiputudhilo sha Triumphant College moVenduka omanga Matheus ti ilongo koshiputudhilo shoYuniversiti yaNamibia eli momvula ontitatu, no ye na elalakano ya kale ya mana omailongo gawo. “Roma ina tungwa esiku limwe shino sha hala kutya opo gumwe a sindane mwaashoka ta lalakanene okuna okukondja sigo a adha esindano, ye ta kala ena omukumo mu kehe shoka ta lalakanene. Inatu hala owala okulonga iimaliwa omayovi, ashike otwa hala okupungula sha nokugandja moshigwana shetu unene pomikunda mpoka twa yambukile,” Matheus ta ti ngaaka. Okwa ti mokashona hoka ya mono oya tokola opo ye ka longithe sho taya kwashilipaleke uudhano wokomumvo mboka tawu ka dhanenwa momumukunda Ontunda momudhingoloko gwOnyaanya. Uudhano mboka owa thanekwa wu kaleko okutameka momasiku 18-20 Desemba nuumvo, tawu ithanwa Road to ownership. Okwa ti otaya lalakanene okuhanganitha aagundjuka pethimbo lyomatango omanene, yo ya kale woo noku ulika iilimbo yawo kaantu yopomudhingoloko ngoka. Puudhano mpoka otaya gandja ekwashilipaleko miizalomwa, oondando ndhoka tadhi ka sindanwa osho wo omakopi ngoka taga ka sindanwa kaasindani dhingi. Mefano omuna aagundjuka taya ulike iilimbo yawo yiikutu. Onkalombepo Omumvogu uuyuni owa mwene uupyakadhi uunene omolwoluteni oludhigu nuupyakadhi wondjala mboka inaa wu monika nale monakuziwa. Ep 10 KK palace Kundana a talele po oshiputudhilo shokatanga kokoompadhi shoKK Palace, yimwe yomoosipana oonkulu mondjokonona yokatanga kokoompadhi moNooli. Ep 16 Tel:(065) 238990; Fax: (065) 231305; P/Bag 13364 Windhoek; email: hshaanika@nepc.com.na; website: www.kundana.com.na

New Era

New Era Newspaper Vol 22 No 167

Kundana

Kundana