Views
3 months ago

New Era Newspaper Monday March 19, 2018

  • Text
  • Windhoek
  • Namibia
  • Ministry
  • African
  • Kuli
  • Namibian
  • Republic
  • Notices
  • Tender
  • Dairy

14 ADVERTS

14 ADVERTS Monday, March 19 2018 | NEW ERA nepc_22_09_17 ONE DAY SPECIAL ON THE 20 TH OF MARCH 2018. Buy an EasyPack for only N$ 40 from your nearest Post Office. Each customer limited to Guaranteeing returns, as we reach your target markets. #TalkToUs 10 EasyPacks. Contact us: Tel: +264 61 208 0800 Website: www.nepc.com.na Namibia’s most loved daily Everybody grabs a copy... DISCOUNT NKURENKURU TOWN COUNCIL Tel: 066 258089/120/121, Fax: 066 258000/091 nkutown@iway.na , P.O Box 6004, Nkurenkuru, Namibia on the establishment of Nkurenkuru Town council. Terms and Conditions apply. 560/16/03/2018 1. Department : Position : Salary Scale : Duty Station : Nkurenkuru Minimum requirements: th Only individuals who are attentive to details, performance driven attitude, service oriented and NB. Courier Customer Care: Tel: +264 (0) 61 201 3174/3126/3106/3248 Fax: +264 (0) 61 228 988 www.nampost.com.na We Deliver More. courier Nkurenkuru Town Council P O Box 6004 Nkurenkuru For attention : HR Division Enquiries : E.M. Nanyemba/S.K. Sikuta Tel : 066 – 258089/120 Closing Date : 20 April 2018

Monday, March 19 2018 | NEW ERA 15 Banabasikolo bababeli batiba kwa Nsundwa Aron Mushaukwa Katima Mulilo Banabasikolo kwasikolo sa Nsundwa Primary School mwasilalanda sa Kabbe ya Mbowela nebatibile hane bayozwa kwasikolo Labune viki yefelile. Mubusisi wasikiliti sa Zambezi Lawrence Sampofu nanitifalize taba yeo. Sampofu naize banana bababeli nebatibile mukolo monebakwezi hautala mezi nikutiba, “mi nekufunahehile feela situpu silisiñwi mi mapokola basasweli kubata situpu sesiñwi”. Mwataba yeshutana niyeo bayahi ba Nankuntwe basweli kubata muuna walibizo la Tobias Tungulu yana tondahalile liviki zepeli zefelile. Mi nakile abonwa lwamafelelezo hakwela mwamukolo walikonde mi kanako yacwale kulumelwa kuli utimezi. Zeo halili cwalo kwa Muzii mulisana walikomu yasimuluha mwanaha Zambia nacilwe kilikwena mi nekufumanwi feela litino zanatinile. Mulisana yomuñwi kwa Muzii hape natibile mwanuka ya Lyambai kwamunzi wa Mandombe. Mi situpu sahae hasisikafumwa kale. Mezi anuka ya Lyambai Labulalu nayemi fabutelele bwa 5.67m, haneli Labubeli nayemi fabutelele bwa 5.68m. Nihakubonahala kuli mayemo amezi nakutezi fafasi kasentimita iliñwi, Sampofu naize taba yeo ikona kuba kalibaka lakuli nuka sekasheza Katengo kakabona zalinako zaliswenyeho mwasikiliti sa Zambezi nekakulubelwa kuli kakapotela libaka zetibisizwe kimezi amuunda Labutanu yefelile kuyoshoka kana kuna nitokwahalo yakututisa batu. Samupwa uketiwa Muñoli Yainelezi wa SWAPO Selma Ikela Windhoek Austin Samupwa Muzamaisi wa Liluko la Tuto mwa sikiliti sa Zambezi, Austin Samupwa uketilwe kuba Muñoli Yainelezi wa Kopano ya Swapo, ili musebezi omunca oezizwe kikopano kuli itiseze misebezi yayona. Ba New Era balumela kuli mutu yainzi fasitulo seo ukafumana tuwelo niliswanelo zeswana nizafumana Muñoli Yainelezi wamuuso. Samupwa walilimo ze 46, nanitifalize taba yeo mwangambolo yafamuhala Labubeli. Nakile asebeza kuba mubuluki wamasheleñi wa Swapo mwasikiliti sa Zambezi. Nako yahae yakusebeza ikazamaelela nibaeteleli bakopano bacwale. “Ee kiniti, neni amuhezi nabulezi, naekelize kuli uitukiselize kutateka kalulo yenca mwabupilo bwa hae. “Niwabezwi kakuli nikasebeleza kopano yaka famayemo apahami. Mi ninyolezwi taba yeo,” nekubulezi Samupwa. Hanabuzizwe kuli uka tateka lili musebezi wabuñoli naize upatehile kukongela litaba kwamusebezi wasweli cwale mi hakafeza ukabe aitukiselize kuyokala nimusebezi omunca. Kwamukopano omutuna wakopano ya Swapo wabusilela, Mueteleli wanaha Hage Geingob ukile azibahaza kuli nelitaba yene kandekilwe kasamulaho amukopano wakatengo kakangelezi nikatengo kakatuna kakopano ya Swapo kuli katiseze kopano kakuketa muzamaisi yasebeza kakutala, ili yakaba famayemo amuñoli yainelezi mwamusebelezo nimwalituwelo. Nekukandekilwe hape kuli muñoli yomuhulu wakopano, batusi babeli babakatusa nikunanula mayemo amisebezi mwaofesi. Kanako yani Geingob naize kalulo yeo yaeziwa kamulelo wakuli Swapo ibe ye itukiselize kulwanisa bunjebwe nibueteleli bwamasila, nikubona kuli sifumu sahula. “Lutokwa kutisa likalulo zenca ili kuli musebelezo waluna utisezwe mi ueziwe kabukwala nikakuluka,” Geingob nabulezi kanako yeo musebezi hauzihabazwa. Mapokola basebelisa bakwaezi banaha Zambia Strauss Lunyangwe Windhoek Mapokola babañwi babafumaneha mwa Katima Mulilo mwasikiliti sa Zambezi banyaziwa kamulatu wakufa misebezi yakukwaeza limotikala zalipisinisi mwatolopo kwabana banaha Zambia. Babanyaziwa babonahala kuli batabela kusebelisa bana banaha Zambia kakuli babalifa feela lituwelo zeli mwahala’ N0 ni N0. Haneli bakwaezi banaha ye ti yasebafumana kakweli, ili taba yetama mapokola babana nilimotikala kuli babate pelekelo yecipile kuzwelela mwa Zambia kuli bafumane kekezo yecimbukile. Baluwi balimotikala kweli haizamaile hande bakona kupanga masheleñi amwahala’ N,000 ni N,000 mi N,400 kuisa N,600 ilifwa mukwaezi kamusebezi wahae, kono bana ba kakweli hakubilaezi kapa baezize bukai kweli yeo. Ba New Era nebazibisizwe kuli bakwaezi babalikana lishumi kaba ketalizoho basebeleza bayahi ba Namibia kakumatisa limotikala zabona kwatolopo yefumaneha mutuloupa wanaha, ili teñi babañwi bakubona babelekiswa kimapokola niha mapokola mwamutomopuso wabona habasikalumelelwa kuluwa limotikala zalipisinisi nilipisinisi zeñwi cwalo. Bana ba Zambia nibona beli bakwaezi nibona baloba mulawo kakuli kukwaeza kimusebezi oswana nimisebezi yeñwi mwanaha Namibia kamaikuto akuto bata musebezi uswanela kuba niliñolo leli mulumelela kutosebeleza mwanaha, ili mwanaha hakuna batu babañata babakona kueza musebezi wo. “Kanako yacwale Namibia haitokwi bakwaezi, kacwalo muuso haukoni kufa liñolo kwamazwahule kuli batosebeza mwanaha kakuba bakwaezi,” nekubulezi mutu yomuñwi yanasalati kuzibwa. Kukulubelwa hape kuli mapokola balekanga bupi bwabonyi mwa Zambia nikuto bulekisa kakucipa mwalibaka zasikiliti. Bupi bulekiswa mwalikomponi zecwale ka New Cowboy, Makaravan ya Upa, nimwa New Look ili kobulekiswa N0 kuisa N0 yacwale hakuzibwi kana mapokola babanyazwa bana nimañolo abalumelela kufumana masheleñi asazwi kwamuuso. Yomuhulu wa Sipokola mwasikiliti sa Zambezi, Karel Theron, nabulelezi mubuhi yo kuli hakuna kubonisa hande kuli ‘alabele balitaba zeo pili asikaeza lipatisiso zetezi. Nakupile kuli alumelwe linombolo zamatapa alimotikala zeo limatiswa kimazwahule ili kuli balibatisise, nikubona kana bana nimapampili aswanela. “Haniyemeli mapokola, haiba mupokola ueza zefosahezi, mulao uswanezi kulimbwa kumupokola yo. Kono litaba zesina hande bupaki liswanela kubatisiswa na buniti bwataba,” nekubulezi yomuhulu wa sipokola.

New Era

New Era Newspaper Vol 22 No 167

Kundana

Kundana